hindi man ipakita sa iba
pilit man mag pikit mata
hindi maipagkakaila
ang tinatanging sinisinta
maaaring hindi ayon ang mundo
maaaring maraming pumigil sayo
ngunit hindi dapat isuko at itago
ang tinitibok ng puso
ang pagkahulog ay hindi inaasahan
bigla nalang itong naramdaman
ang dahilan – hindi malaman laman
tanging iniisip lang ay hindi ka kayang talikuran
isang ngiti mula sa tinatangi
bitbit na ito mula araw at gabi
kaya’t hiling na sana’y hindi ito mawala
nais ay lagi siya maligaya
marahuyo – ako’y tila nga na marahuyo
sa isang kagalang galang na ginoo
hindi ka man makamit sa panahong ito
pagmamahal sayo’y hindi isusuko – tinatangi ko.
writer — anne rosario
Comments